وفر و استخدم بنزين 95

نظرية متداولة علي الفيس بوك هل بنزين 95 اوفر ام لا…؟

دلوقتي طبعا الكل عارف ان البنزين غلي
ال 92 ب 5 جنيه…….ال 95 بقي ب 6.60 قرش ..تمام
طب ليه منحطش 95  اقولك ليه


بنزين 95 بيديك اداء افضل و معدل استهلاك بنزين اقل
يعني مثلا ال 10 لتر من بنزين 95 مع عربيتي يمشوني حوالي 115 كيلو متر
فين حين ان 10 لتر من 92 يمشوني 95 كيلو متر

بس (يبقي كده علشان اوصل لنفس المسافه ال 115 كيلو هحتاج افول بتاع 12.13 مره من بنزين 92 ) 


ببقي ساعتها ال 10 لتر 95 =66 ج و ال 10 لتر 92 = 65 و الاتنين بيدوني نفس المسافه
يبقي بالحسابات و الاسعار الجديده اوفر و احط 95 هيديني اداء افضل مع عدد كيلوهات اكتر
طبعا مش هتكون مصدق 


طب انا افولك حاجه…فالنفترض ان تانك عربيتك 50 لتر هتروح تفول طبعا 50 لتر × 5 = 250
طب ليه متحطش 40 لتر بنزين 95 ب 264 

زيادة استهلاك البنزين
زيادة استهلاك البنزين


(طب هقولك تجربه تانيه)
كان لازم استني لما اوصل لآخر التفويله عشان دقه التقرير.
كله يركز معايا بقي.


مبدأيا كده زي ما قلت قبل كده ان كل العوامل ثابته و مفيش اي اختلاف غير البنزين و عربيتي ماشيه 12 الف كيلو.


نبدأ بال 92
انا دايما بفول اول ما اللمبه بتاعت البنزين تظهر او الانزار بتاع البنزين يظهر يعني.


فا دايما دايما العربيه بتتفول 50 لتر فا كل حسابتنا هتبقي علي ال 50 لتر دول.


ال 92 بالتكييف بيمشيني بال 50 لتر من 530 كيلو ل 600 كيلو يعني بمعدل استهلاك للتر الواحد حوالي 11 كيلو يعني تقريبا 9 لتر لكل 100 كيلو. و لما بقول استهلاك بالتكييف اقصد ان مفيش مره ادور العربيه و امشي بيها غير لما يكون التكييف شغال سواء صباحا او بليل.


بدون تكيف بيكون ال 50 لتر يمشوني من 640 ل 700 بمعدل استهلاك حوالي 13 كيلو لكل لتر يعني تقريبا 7.5 لتر لكل 100 كيلو. بدون استخدام التكييف نهائي.


نيجي بقي لل 95 الي كان الاستهلاك كله بدون تكييف.


ال 50 لتر مشوني 910 كيلو يعني معدل الاستهلاك تقريبا 18 كيلو لكل لتر يعني حوالي 5.5 لتر لكل 100 كيلو و ده طبعا رقم مستحيل توصله بال 92.


الخلاصه.
50 لتر 92 ب 250 جنيه يمشوك بدون تكييف حوالي 650 كيلو.


50 لتر 95 ب 330 جنيه يمشوك 900 كيلو.


فرق الفلوس 80 جنيه


يعني انت كده مشيت زياده 250 كيلو بس.


ال 250 كيلو دول لو بأستهلاك ال 92 كنت هتستهلك فيهم حوالي 19 لتر ب 95 جنيه.


في المقابل بجد يا جماعه العربيه حاجه تانيه مع البنزين ال 95.

 

سحب جامد و تسارع رهيب و غير كده العربيه اصلا متصنعه لل 95.


انا قررت هفضل احط بنزين 95 و افيد عربيتي و احافظ عليها و علي الموتور و كل الي هدفعه زياده 80 جنيه.

اترك رقمك الان هنا و سيتم الاتصال بك لمعرفة تفاصيل تقسيط السيارات
او اتصل علي الخط الساخن 19884 فوربرازرزراعي تقسيط السيارات في مصر

لمعرفة اسعار السيارت الرسمية من هنا

You might also like More from author

Comments

Loading...